လမ်းအိုလေး

Løøps of Resistance …


Leave a comment

ကမ္ဘာကြီး တစ်ပတ်လည်တယ် နှစ်ပတ်လည်တယ် သုံးပတ်လည်တယ် (​မောင်​​ဒေး)

ကမ္ဘာကြီး တစ်ပတ်လည်တယ် နှစ်ပတ်လည်တယ် သုံးပတ်လည်တယ် တစ်နေ့ကို ထမင်းသုံးကြိမ်စားရလို့ ဝမ်းသာရတယ် တစ်ပတ်ကို ရုပ်ရှင် တစ်ကားကြည့်ရလို့ ပျော်ရတယ် ဆင်းရဲသားတွေပဲ စစ်တပ်ထဲကိုရောက် တိုက်ပွဲမှာသေရလို့ တော်ပါသေးရဲ့ဆိုပြီး ရင်ထဲက အလုံးကြီး ကျရတယ် သုံးရက်တစ်ခါလောက် လိင်ဆက်ဆံခွင့်ရ… တစ်နှစ်တစ်ခါလောက် ကဗျာ
Continue reading


Leave a comment

ရာသီဥတု ငါနဲ့အတူရှိပါစေ (​မောင်​​ဒေး)

ရာသီဥတု ငါနဲ့အတူရှိပါစေ ငါ့ရဲ့အခန်းထဲမှာ တစ်စုံတစ်ယောက်က
မှန်တစ်ချပ်လာထားသွားတယ် မနက်တိုင်းမှာ အဲဒီမှန်ကိုမကြည့်မိဖို့ ငါ ကြိုးစားရတယ် သစ္စာတရားဆိုတာ ရုပ်ကြွင်းလောင်စာလိုပဲ
၂၀၀၈ ခုနှစ်မှာ Peak ဖြစ်သွားပြီး အကျဘက်ကိုပဲ ရောက်လာခဲ့ပြီ
ငါတို့အထိတ်တလန့် ဖြစ်ရတဲ့အရာဟာ အခုအိမ်ရှေ့မှာ မဟုတ်ဘူး

အိမ်ထဲကို ရောက်လာခဲ့ပြီ မန်ကျည်းပင်ပေါ်က ပုရွက်ဆိတ်ကလေးတွေ တစ်ကောင်ပြီးတစ်ကောင်ထပ်ပြီး စုလိုက်တော့ ငါ့ရဲ့ဦးခေါင်း ဖြစ်လပါလေရော — နေဟာ တစ်ယောက်ချင်းစီအတွက် လင်းတယ် — လေဟာ တစ်ယောက်ချင်းစီအတွက် တိုက်တယ်– ဒါပေမယ့် နောင်အနှစ်၅၀ မှာ ညအချိန်ဆိုတာ ရှိနိုင်ပါဦးမလား ဟိုက္ကူကဗျာတွေထဲမှာ ချယ်ရီပင်တွေ
Continue reading


Leave a comment

သူတို့က ငါတို့ကိုမုန်းတယ် ငါတို့ကကော သူတို့ကို ပြန်ချစ်နိုင်ပါ့မလား (​မောင်​​ဒေး)

သူတို့က ငါတို့ကိုမုန်းတယ်ငါတို့ကကော သူတို့ကို ပြန်ချစ်နိုင်ပါ့မလားေ မာင်းသူမဲ့အာကာသယာဉ်တွေထဲကို ခွေးတွေထည့်ပြီး မျောက်တွေထည့်ပြီး သူတို့စေလွှတ်တယ်ငါတို့ဟာ ကိုယ့်ချစ်သူရဲ့လက်ကိုဆွဲပြီး ကမ်းခြေဘက် ပြေးထွက်ခဲ့ကြတယ် ရုပ်ရှင်ရုံတွေထဲဝင်ခဲ့ကြတယ်သူတို့ကအမုန်းတရားအားဖြင့် ဖောက်လုပ်ခဲ့တဲ့လမ်းတွေကို ငါတို့ကခြေဗလာနဲ့ လျှောက်ခဲ့ကြတယ်
သူတို့က ဒေါသနဲ့ဆောက်လုပ်ခဲ့တဲ့တံတားတွေရဲ့အောက်မှာ ငါတို့က
Continue reading


Leave a comment

လှပသောအရာများနှင့် နက်နဲသိမ်မွေ့သောအရာများအကြောင်း (​မောင်​​ဒေး)

ဒေးဗစ်​​ လေးမန်း

…. ​​သူ့ရဲ့ကဗျာ​တွေဟာ (၁) ရယ်​စရာ​ကောင်းတယ်​၊ ရွှင်​တယ်​။ (၂) ကိုယ်​​ရေးရာဇဝင်​ ဆန်​တယ်​။ (၃) အ​ကြောင်းကိစ္စ​တွေရဲ့ ​ရှေ့​နောက်​မညီညွတ်​မှု​တွေ ယှဉ်​တွဲတည်​ရှိ​နေတာကို ပြပြီး အတွင်းပဋိပက္ခကို ​ဖော်​ထုတ်​တယ်​။ ကျွန်​​တော်​ သူ့ကိုကြိုက်​တာမှာ ရွှင်​တာက အ​ကြောင်းတစ်​ချက်​ ဖြစ်​ပါတယ်​။ ….

– ​မောင်​​ဒေး

အသိပညာဟာလှတယ်၊ နားလည်သဘောပေါက်မှုက နက်နဲသိမ်မွေ့တယ်။

— ခါးန့်ထ်

၁။
ရေဒီယိုဟာ အပူမီဒီယာဖြစ်တယ်။
တယ်လီဗီးရှင်းက အေးတယ်။*

ရုရှားနိုင်ငံမှာ ရထားခရီးစဉ်တစ်ခုဟာ ဝတ္ထုရှည်တစ်ပုဒ်ဖြစ်တယ်။
ရှီကာဂိုမြို့ကို ရထားနဲ့သွားတာဟာ ရုပ်ရှင်တစ်ကားဖြစ်တယ်။
မိုင်ယာမီမြို့ကို ​လေယာဉ်နဲ့သွားတာဟာ
ဘေးဒုက္ခဆိုးတွေအကြောင်း ရိုက်ထားတဲ့ ရုပ်ရှင်တစ်ကားဖြစ်တယ်။

ကျောက်ထင်းရှုးပင်တစ်ပင်ဟာ ကဗျာတစ်ပုဒ်ဖြစ်တယ်။
ညောင်မုတ်ဆိတ်ပင်တစ်ပင်ဟာ
ရေ့ဖ်ဝေါ်လ်ဒိုအီမာဆန်ရဲ့ စကားပြေဖြစ်တယ်။
Continue reading


Leave a comment

နံရံကို ကျွန်​မ ​ခေါင်းနဲ့ ဝင်​​ဆောင့်​ပစ်​ခဲ့တယ်​ (​​မောင်​​ဒေး)

Anna Swir

အန်​နာဆွားရ်​

…. ​နောက်​တစ်​ခု သတိထားမိတာက​တော့ သူ့ကဗျာ​တွေထဲမှာ ပုဂ္ဂလဓိဌာန်​နဲ့ ဓမ္မဓိဌာန်​ဟာ ပူးချည်​ခွာချည်​ ဖြစ်​​နေတာ။ တစ်​ခါတစ်​ခါမှာ လှိုက်​လှိုက်​လှဲလှဲ ဖွင့်​ဟဝန်​ခံသလို ဖြစ်​​နေပြီး တစ်​ခါတစ်​ခါမှာကျ​တော့ သူ့ကိုယ်​သူ အ​ဝေးက​နေ ခွာကြည့်​တယ်​။ ….

– ​မောင်​​ဒေး

ကလေးအရွယ်တုန်းက
သူတော်စင်
ဖြစ်ဖို့ဆိုပြီး
ကျွန်မရဲ့လက်ချောင်းကို မီးထဲထိုးထည့်ခဲ့တယ်။

ဆယ်ကျော်သက်အရွယ်မှာ
နံရံကိုခေါင်းနဲ့ နေ့စဉ်ဝင်ဆောင့်ပစ်ခဲ့တယ်။

မိန်းမပျိုလေးဖြစ်လာတော့
ခုန်ချဖို့ဆိုပြီး
ထပ်ခိုးပြတင်းပေါက်ကတစ်ဆင့်
အမိုးပေါ် ကျွန်မတက်ခဲ့တယ်။

မိန်းမကြီးအရွယ်ရောက်တော့
ကျွန်မတစ်ကိုယ်လုံးမှာ သန်းတွေမြင်မကောင်းဘူး။
ကျွန်မရဲ့ဆွယ်တာကို မီးပူတိုက်တဲ့အခါများ
ပေါက်ပေါက်ဆုပ်တွေလို တဖောက်ဖောက်။
Continue reading


Leave a comment

အကျဉ်းသား (​မောင်​​ဒေး)

အဒိုးနိစ်​

…. ​ဒါ​ပေမယ့်​ ကဗျာက အရာဝတ္ထု​တွေနဲ့ ဘာသာစကားကြားက ဆက်​သွယ်​ချက်​ကို ​ပြောင်းလဲ​ပေးပြီး ကမ္ဘာသစ်​ရဲ့ ပုံရိပ်​ကို ဖန်​တီး​ပေးနိုင်​တယ်​။ ကဗျာနဲ့ ပတ်​သက်​ပြီး သီအိုရီထုတ်​ရတာဟာ အချစ်​အ​ကြောင်း ​ပြောရတာလိုပါပဲ။ ရှင်းပြလို့မရတဲ့ အရာ​တွေ အများကြီး ရှိပါတယ်​။ ကမ္ဘာကို ဖန်​တီးထားတာ နားလည်​ဖို့မဟုတ်​၊ ရှုမှတ်​ဆင်​ခြင်​ဖို့နဲ့ ​မေးခွန်းထုတ်​ဖို့သာဖြစ်​တယ်​လို့ (အဒိုးနိစ်​က) ​ပြောခဲ့ပါတယ်​။ ….

– ​မောင်​​ဒေး

မြက်​ပင်​နဲ့ ပန်းမာလာ အငုံအဖူးတို့ရဲ့ အကျဉ်းစံ ငါက
ကမ်းစပ်​က သစ်​ကိုင်း​တွေကို ယှက်​​ဖောက်​ပြီး
ကျွန်းတစ်​ကျွန်းကို စိတ်​ထဲမှာ ​ဆောက်​တယ်​။
သ​င်္ဘောဆိပ်​​တွေ ​ပျောက်​ကွယ်​သွားတယ်​။
အနက်​​ရောင်​မျဉ်း​တွေလည်း ရွက်​ထည်​က​နေ
ပြုတ်​ထွက်​သွားတယ်​။ ငါဟာ
Continue reading

The Last Will and Testament of Rosalind Leigh


Leave a comment

Rodrigo Gudiño ၏ The Last Will and Testament of Rosalind Leigh (မောင်ဒေး)

ဒါပေမယ့် အဲဒီလို ဖတ်မယ်ဆိုရင် ကဗျာကိုပဲ တွေ့ရမှာပါ၊ မောင်ဒေးရဲ့ ရုပ်ရှင်ကဗျာကို တွေ့ရမှာ မဟုတ်ဘူး။ အကြောင်းက ဒီကဗျာတွေကိုက ရုပ်ရှင်ကဗျာ ဖြစ်နေတဲ့ အတွက်ပါပဲ ။ ဒီတော့ကာ မောင်ဒေး ဒိုင်ယာလေ့ာခ်လုပ်ထား၊ စမ်းသပ်ထားတဲ့ ကဗျာရဲ့ အစိတ်အပိုင်း​တစ်ရပ်ကိုသာလျင် စူးစမ်းမိမှာဖြစ်တယ်။ဒါပေမယ့် အကောင်းဆုံးကတော့ ရုပ်ရှင်ကဗျာလို့ ဆိုထားတဲ့အတိုင်းပဲ စာဖတ်သူဟာ မောင်ဒေးရဲ့ ကဗျာတွေကို သက်ဆိုင်ရာ ရုပ်ရှင်နဲ့ ဒိုင်ယာလော့ခ်လုပ်ပြီး ဖတ်ဖို့လိုမယ်။ ရုပ်ရှင်ရဲ့ ဘယ်အရာနဲ့ ဘယ်ကိုယ်စားပြုမှု ပုံစံနဲ့ ချိတ်ဆက်ရမယ်ဆိုတာကတော့ အသေမရှိပါဘူး။ ဒါကြောင့်လည်း ကိုယ်စားပြုနေခြင်း မဟုတ်ဘဲ၊ ဒိုင်ယာလေ့ာခ်​လုပ်နေခြင်း​လို့သာလျင် ဆိုရမယ်။ စာဖတ်သူဟာ မောင်ဒေးရဲ့ ရုပ်ရှင်ကဗျာတွေကို သူ့ချည်းသက်သက် ဖတ်လို့လည်း ရနိုင်ပါတယ်။

မင်းခက်ရဲ

မနေ့ကအထိရှိနေခဲ့သေးသောကမ္ဘာတွင် ဘာလုပ်၍ဘာကိုင်ရမည်ကို
ကျွန်တော်တို့သိကြသည်။ ကနေ့ဆောက်လုပ်ပြီးစီးသော အဖိုးနည်းအိမ်ရာ
သည် အပြင်ကကြည့်လျှင်ပို၍လှသည်။ ရေပိုက်ခေါင်းကိုပိတ်ဖို့ မေ့ခဲ့လျှင်
ဆူနာမီလာမည်။ ထမင်းစားပွဲပေါ်မှဇွန်းပြုတ်ကျလျင် ယောက်ျားတစ်ယောက်
ရောက်လာမည်ဖြစ်ပြီး၊ ခက်ရင်းပြုတ်ကျလျှင် မိန်းမတစ်ယောက်ရောက်
လာမည်။ ဓါးပြုတ်ကျခဲ့သော် လူမဟုတ်သောသတ္တဝါတစ်ကောင်
ရောက်လာမည်။ သက်တံကိုမြင်ချင်လျှင် မိုးရွာတာကိုသည်းခံဖို့လိုသည်
ဟူသောစကားသည် ကလေးတို့အတွက် အလုပ်ဖြစ်သော်လည်း
လူကြီးတို့အဖို့မူ မကောင်းမှု၏ရှိနေခြင်းကိုသိဖို့ရာ စစ်ပွဲတွင်သေရသော၊
သို့မဟုတ် အစာငတ်သေရသောကလေးတို့၏ဓါတ်ပုံများလိုအပ်သည်။
မနေ့ကအထိရှိနေသေးသောကမ္ဘာသည် လူအများကြားတွင် တိုးဝှေ့ထိုင်
လိုက်ပြီး လက်ဖက်ရည်ကိုတစ်ကျိုက်မော့လိုက်သည်။ လက်ခုပ်တီးလျှင်
တောထဲမှကျားလာမည်။ ရေပိုက်ခေါင်းကိုပိတ်ဖို့မေ့ခဲ့လျှင် ဆူနာမီလာမည်။

(Source: Maung Day Blog)

James Cameron ၏ Titanic


Leave a comment

James Cameron ၏ Titanic (မောင်ဒေး)

ညသည် မည်း၍ ကြယ်များလက်နေသည်။
လီယိုသည် သူ၏ပုံဆွဲစာအုပ်လေးကိုထုတ်၍ ကိတ်၏ပုံကို
စကတ်ခ်ျလိုက်သည်။ ရေထဲကို ကျွန်တော် ခြေတစ်ဖက်ချသည်။
နောက်တစ်ဖက်ချသည်။ ရေသူမတစ်ယောက်က ကျောက်ဆောင်ကို
ကွယ်၍ ကျွန်တော့်ကို ချောင်းကြည့်၏။ သူ့ကို ကျွန်တော့်ကင်မရာနှင့်
ဓာတ်ပုံရိုက်လိုက်သည်။ သင်္ဘောက လှုပ်လာသည်၊
ဖန်ခွက်တွေ ကျကွဲသည်၊ ဘွိုင်လာမှ ရေတွေလျှံကျလာသည်၊
အင်ဂျင်ပေါက်ကွဲသံကို ကြားရ၏။ တို့တတွေဟာ
သင်္ဘောမမြုပ်ခင်ကတည်းက သေခဲ့ပြီးသားပါဟု ကပ္ပတိန်ကပြောသည်။
ရေသူမလေးကို ထပ်၍မြင်ရနိုးနှင့် ကျွန်တော်ရှာဖွေသည်။ မတွေ့။
သို့ပေမယ့် သူ့ရဲ့ဓာတ်ပုံလေးကိုတော့ ကျွန်တော်ရလိုက်သည်။

(ခေတ်ပြိုင်ကဗျာများ – ၆၀း၁၅း၀၃ဝ – စိတ်ကူးချိုချို)

Spike Jonze ၏ Her


Leave a comment

Spike Jonze ၏ Her (မောင်ဒေး)

ကျွန်တော်နှင့် ကျွန်တော်၏တရုတ်နိုင်ငံလုပ် စမတ်ဖုန်းတို့
တစ်ယောက်ကိုတစ်ယောက် အသည်းအသန်ချစ်မိကြသည်။
ချစ်မိလျှင် ပို၍ပိုင်ဆိုင်ချင်သည်။ ပိုင်ဆိုင်မိလျှင် ပို၍ချစ်ချင်သည်။
လောကကြီးသည် ဖြေရခက်သော မေးခွန်းများနှင့်ပြည့်နေ၏။
သို့ပေမယ့် ထိုမေးခွန်းတို့၏အဖြေကို ကျွန်တော်မသိချင်ပါ။
သိလိုစိတ်သည် ပညာတတ်တို့၏ ဘိန်းဖြစ်သည်။
ဟိုတလောဆီက မုတ်သုံလေထံမှစာလာသည်။
ဒီနှစ် သူမလာနိုင်ဟုဆို၏။ ဒါကိုလည်း ကျွန်တော်ဂရုမစိုက်ပါ။
အဲဒါငါ့စောက်လုပ်မဟုတ်ဘူးဟဲ့ဟု စာပြန်ရေးလိုက်သည်။

(Source: Maung Day Blog)

Yojiro Takita ၏ Departures


Leave a comment

Yojiro Takita ၏ Departures (မောင်ဒေး)

မှန်ကြည့်သောသူများကို ကြည့်မှန်ကမြင်သည်။
မှန်ပေါ်မှသနပ်ခါးစက်တို့ကို တံတွေးနှင့်ဖျက်သော်လည်း
အပွေးကိုမမြင်ခဲ့သူမှာ အပင်ကိုမသိချေ။
ရေချိုးဇလုံ၏ဆဲလ်ကိုယူ၍ ရေချိုးဇလုံနောက်တစ်ခုကို
ပြုလုပ်၍မရပါ။ မှန်တစ်ခါကြည့်တိုင်းသာ
ဆပ်ပြာမြှုပ်တို့၏အောက်သို့ ဝါးတစ်ပြန်စာနစ်ရသည်။
လက်မကြီးတစ်ခုသည် ဓါတ်ပုံပေါ်မှ မိသားစုဝင်တို့၏မျက်နှာကို
အကြိမ်ကြိမ်ပွတ်၍ ဖျက်၏။ အမှန်တကယ်အသက်ရှင်ခဲ့သူကော၊
မှန်ထဲ၌သာ အသက်ရှင်ခဲ့သူပါ နောက်ဆုံးတွင်သေကြရသည်။
မည်သို့ပင်ဆိုစေ သေသူ၏အုတ်ဂူကို မလေးမစားမပြုလုပ်အပ်ပါ။

(Source: Maung Day Blog)