လမ်းအိုလေး

beyond chaOs


Leave a comment

လှသန်း (စ – ဆုံး) (မောင်ယုပိုင်)

ကဗျာဆရာ လှသန်း (ခ) ကြည်မောင်သန်း - အသက် (၄၉)နှစ်
နာရီလက်တံဟာ
ကျွန်တော့်ကို ရန်စနေတယ်
အချိန်သိပ်မကျန်တော့ဘူးတဲ့။
(မိမိကိုယ်ကို အဓွန့်ရှည်ရေးမှ)

ပြန်ဖို့ရာ အိမ်အဆင်သင့်
သွားဖို့ရာ သံသရာ အဆင်သင့်
နားဖို့ရာ ခန္ဓာကိုယ် အဆင်သင့်။
နာခြင်းပင်လယ်ကို ရွက်လွှင့်ပြီးမှ
ပြန်လည်ရှင်သန်ခြင်းကမ်းခြေမှာ အပန်းဖြေရမှာလား
ဒါမှမဟုတ်
သေခြင်းကျွန်းစုမှာ ဆိုက်ကပ်မှာလား
(နာမကျန်းသောနေ့ရက်များ မှ)

ဒီဘ၀အတွက် မလေးရှားမှာ ကားရေဆေးတယ်
နောက်ဘ၀အတွက် ကဗျာရေးတယ်
ဒါဟာ ကျွန်တော်နဲ့လောကကြီး ဆက်ဆံရေးပါပဲ။
(လက်မောင်းသွေးကို ဖောက်ကြည့်ခြင်း (၁) မှ)

ငါ့ကိုယ်ငါ သရဏဂုံတင်ပြီးပြီ
ကိုဖော်ဝေးကို သစ္စာခံဖို့
ခေတ်ပေါ်ကဗျာစေတီမှာ ထီးတော်သစ်တင်လှူပူဇော်ဖို့
မြန်မာကဗျာတွေကို ပထမဆုံးအကြိမ် သင်္ဂါယနာတင်ဖို့
ငါရောက်လာခဲ့တယ်။
(လက်မောင်းသွေးကို ဖောက်ကြည့်ခြင်း (၂) မှ)

သူငယ်ချင်းရယ် ဒီဇာတ်လမ်းမှာ
လူဆိုးတွေ တစ်ယောက်မှ မသေသေးဘူးလား
လူကောင်းတွေမှာ ဒုက္ခများလှပါပြီကွယ်
(ကိုယ့်ဖိနပ်ဟာ ကိုယ့်ခံတပ်ပါပဲ)

လက်တစ်ကမ်းမှာ
အောင်မြင်မှု၊ သေခြင်းတရားနဲ့
မှုန်ဝါးဝါးရာစု အသစ်တစခုရှိနေရဲ့
(လက်မောင်းသွေးကိုဖောက်ကြည့်ခြင်း ၁ မှ)

ဟောဒီကျောက်နံရံထက်မှာ
ငါတို့မျိုးဆက်ရဲ့ အသံကို ထွင်းထုလိုက်မယ်
တစ်ချိန်မှာ မတန်တဆ အနစ်နာခံမှုတွေ
ကြီးမြတ်လှပစွာ ရှင်ပြန်ထမြောက်လာမယ်။
မွေးမြူရေးငါးတစ်ကောင် မဟုတ်ခဲ့တာကို
ဂုဏ်ယူပါရစေ။
(လက်မောင်းသွေးကို ဖောက်ကြည့်ခြင်း (၃) မှ)

မျှော်လင့်ချက်တွေဟာ လုပ်ကြံခံလိုက်ရတယ်
အနာဂတ်ကတော့ အသက်ငင်နေဆဲ
မကြာခင် ရှင်ပြန်ထမြောက်လေမလား။
(လူသားဆန်ချင်တာ တရားတယ် မှ)

အပူတပြင်းရေးလိုက်တဲ့ကဗျာ
နာရေးကြော်ငြာတစ်ခုလည်း ဖြစ်နိုင်ရဲ့။
(ကဗျာတစ်ပုဒ်ရဲ့ နာရေး)

လက်မရွံ့ကဗျာ UG စာအုပ်ထဲမှ စာသားများ မောင်ယုပိုင်မှ ဆက်စပ်ဖေါ်ပြသည်။

Source: MgYuPie @Facebook


Leave a comment

ငါ့ကို ဘယ်သူမှ ကိုယ်စားမပြုဘူး (ဇေယျာလင်း)

ဘယ်မှရွေ့မသွားတဲ့ ခုံတန်းလျားမှာ မင်းနဲ့ငါ အတူထိုင်၊ နံရံတွေငေး
ပွဲခ တတ်နိုင်ရင် မလေးလား၊ ကိုးရီးယားလား၊ ဒူဘိုင်းလား၊ ဆော်ဒီလား
လုပ်စရာရှိတာ လုပ်ရမှာပဲ သွေးလည်ပတ်မှုဟာ ဖျော်ဖြေရေးမှ မဟုတ်တာ
ရေနွေးကြမ်းနဲ့ ရေခဲ့မုန့် ခြင်ဆေးခွေထဲမှာ မျက်လုံးတစ်လုံး မဲပေါက်သလို
ကိုယ့်ရေတွင်းလေး ကိုယ်တူးပြီး ကိုယ့်ထုံးရေ ကိုယ်ကြည့်ကြက်သောက်
အထုံပါလာတော့ အကွက်ချထားတဲ့မြို့သစ်မှာ အကွက်ကျကျဘဝနဲ့
မနက်ဆို နေထွက်သွားတယ် ညနေဆို နေဝင်လာတယ် သဘာဝဟာ
ပလပ်စတစ်စံတော်ချိန်နဲ့ ဘာသင်တန်းတက်ထားလဲ ဘာလက်မှတ်ရှိလဲ
လမ်းဘေး အမဲအူပြုတ်တစ်ခွက်နဲ့ တရုတ်လုပ် ‘မိတ်အင်ဂျပန်’ နာရီနဲ့
အာဖဂန်မှာ စစ်ဖြစ်နေတယ် အာဖဂန်မှာ ရွေးကောက်ပွဲကျင်းပ နေတယ်
ဆိုသူကဆိုတယ် တီးသူက တီးတယ် ကသူက က တယ် ငါ ပန်းရံသမားပါ
ငါ ဘာလုပ်ရမလဲ ငါ့ ခံစားချက် ငါထည့်ရေးရင် မဖွယ်မရာများ ဖြစ်မလား
မိသားစု ရေနံတွင်းကလေးဟာ နက်သထက် နက်လာတယ် အေးဆေးပါ
မြို့သစ်သား အချင်းချင်းပဲ သားကြီးရာ အသွားအပြန်ကားခလေးသာရှိရင်
မြို့ကြီးကို အချိန်ပိုင်း တက်သိမ်းလို့ရတယ် မင်းလည်း ငယ်မှ မငယ်တော့တာ
ငါတို့ဟာ ကဗျာတွေပဲဖြစ်ရမယ် အသုံးချတန်ဘိုးမှ မရှိကြတာ
နှလုံးသွေးကြောတစ်ချောင်းပိတ်ပြီး လျှပ်စစ်ဓါတ်လည်း မထုတ်လုပ်နိုင်
ကိုယ်ကျင့်တရားရဲ့ ဂေဟ စံနစ်လည်း ပူနွေးလာပြီ သူငယ်ချင်း
ဆောက်လုပ်ရေးလား၊ အလောင်းဆေးလား၊ စင်္ကာပူလား၊ ဂျပန်လား
ကိုကာကိုလာအေးအေး တစ်ခွက် ငါဘယ်လို သောက်ရက်နိုင်ပါ့မလဲ
လေ့လာရမယ် ပညာရှာရမယ် ဗဟုသုတကြွယ်ရမယ်….ရမယ်….ရမယ်
ဟော၊ ဗျူးခန်းထဲက တစ်ယောက်ထွက်လာပြီ လက်ခါပြသွားတယ်
ငါကော လက်ဘက်ရည်ဖိုးတတ်နိုင်ပါ့မလား သူ့အိတ်ကပ်က ပိုဖောင်းသလား
ရိုကျိုးလွန်းတဲ့ လက်ချောင်းတွေကို ငါကြည့်တယ် အခြားမှ သူတို့ မတတ်နိုင်တာ
စင်း ဒေါ်လာလား၊ ရင်းဂစ်လား၊ ဘတ်လား၊ ယန်းလား၊ ကျပ်လား၊ ပြားလား
အများသုံးအိမ်သာမှာ သုံးပြီးသားလက်ကျန် တစ်ထောင်းထောင်းနဲ့
ဘဝဟာ အရသာရှိလိုက်တာလို့ ငါ့ နာမည်ခေါ်ဖို့ စောင့်နေတယ်
မင်းနဲ့ ငါဟာ ရထားပေါ်မှာ မျက်နှာချင်းဆိုင်
ပြင်ပ ရှုခင်းတွေကို အလှည့်ကျ ပြောင်းပေးရတယ်
လမ်းပေါ်ထွက်ဖို့ ငါ့တန်ဖိုးကို နှူးကြည့်တယ်
ဘယ်ရောက်ခဲ့လဲလို့ မိန်းမကမေးရင် ဘယ်မှ မရောက်ခဲ့ဘူးဆို ယုံမလား
ကမ္ဘာကြီးဟာ ပြားသွားပြီ ငါတို့တွေသာ ချိန်ကိုက်ပြီးသား အလုံးတွေ။

၁၁၊ စက်တင်ဘာ၊ ၀၉

(ကဗျာဆိုတာပြုလုပ်ခြင်း – ဇေယျာလင်း။ ၂၀၁၁၊)

Source: BurmesePoetryFoundation