လမ်းအိုလေး

Løøps of Resistance …

စပါဂက်တီလုပ်တဲ့နှစ် (စင်ကြယ်ငြိမ်း)

Leave a comment

စပါဂက်တီလုပ်တဲ့နှစ် (ဟာရူကီ မူရာကာမီ)

The Year of Spahgetti

ကျွန်တော့်အခြေအနေကိုလဲ နားလည်ပေးစေချင်တယ်။ အဲဒီအချိန်မှာ ကျွန်တော် ဘယ်သူနဲ့မှ မပတ်သက်ချင်ဘူး။ ဒါကြောင့်လည်း ကိုယ့်ဖာသာ စပါဂက်တီပဲ လုပ်နေခဲ့တာ။ အဲဒီ ဂျာမန်သိုးထိန်းခွေးတစ်ကောင် ကောင်းကောင်းထည့်ပြုတ်လို့ရတဲ့ အိုးကြီးနဲ့လေ။
ဘာသာပြန် – စင်ကြယ်ငြိမ်း


၁၉၇၁ကိုတော့ စပါဂက်တီလုပ်တဲ့နှစ်လို့ သတ်မှတ်ရမှာပဲ။

၁၉၇၁မှာ၊ အသက်ဆက်ရှင်ဖို့အတွက် ကျွန်တော် စပါဂက်တီတွေ လုပ်နေခဲ့တယ်။ စပါဂက်တီ လုပ်ဖို့အတွက် အသက်ရှင်နေခဲ့တယ်။ စပါဂက်တီအိုးက တထောင်းထောင်း ထွက်နေတဲ့ အငွေ့တွေဟာ ကျွန်တော့်ရဲ့ ဂုဏ်သိက္ခာပဲ။ ကျွန်တော့်ရဲ့ ပျော်ရွှင်မှုပဲ။ ဒယ်အိုးပြားထဲမှာ ပွက်ထနေတဲ့ ခရမ်းချဉ်သီးဆော့စ်ဟာ ကျွန်တော့်ရှင်သန်မှုရဲ့ မျှော်လင့်ချက်ပဲ။

အချက်အပြုတ်သမားတွေအတွက် သီးသန့်ရည်ရွယ်တဲ့ စတိုးဆိုင်တစ်ခုကို ကျွန်တော်သွားခဲ့တယ်။ ဂျာမန်သိုးထိန်းခွေး တစ်ကောင်လောက် ကောင်းကောင်းထည့်ပြုတ်လို့ရတဲ့ အလူမီနီယံအိုးတစ်လုံးနဲ့ ချက်ပြုတ်ရာမှာသုံးတဲ့ အချိန်မှတ်နာရီတစ်လုံး ကျွန်တော်ဝယ်ခဲ့တယ်။ နိုင်ငံခြားသားတွေအတွက် ရည်ရွယ်ပြီး ဖွင့်ထားတဲ့ စူပါမားကက် မှန်သမျှလည်း ကျွန်တော်ရောက်ခဲ့တယ်။ မုန့်နှစ်လုပ်နည်း စာအုပ်တစ်အုပ်တောင် ၀ယ်ခဲ့သေးတယ်။ ခရမ်းချဉ်သီး ဆိုရင်တော့ ဒါဇင်လိုက်ပေါ့။ ကျွန်တော်သယ်နိုင်သလောက် စပါဂက်တီတံဆိပ်မျိုးစုံလည်း ၀ယ်ဖြစ်ခဲ့တယ်။ လူတွေသိသမျှ ဆောစ့်တံဆိပ်မျိုးစုံလည်း ၀ယ်ဖြစ်ခဲ့တယ်။ ကြက်သွန်နီ၊ ကြက်သွန်ဖြူနဲ့ သံလွင်ဆီတို့ ရောစပ်ရာက ထွက်လာတဲ့ အနံ့အသက်တွေဟာ ကျွန်တော့်အခန်းရဲ့ ချောင်ကြိုချောင်ကြားမှန်သမျှအထိ ပျံ့လွင့်နေတော့တယ်။ အဲဒီအနံ့အသက်တွေဟာ ကြမ်းပြင်၊ နံရံနဲ့ မျက်နှာကြက်တွေသာမကဘဲ ကျွန်တော့်ရဲ့ အ၀တ်အစား၊ စာအုပ်၊ တိပ်ခွေတွေ၊ တင်းနစ်ရိုက်တံနဲ့ ပေးစာအဟောင်းတွေ ထုပ်ထားတဲ့ အထုပ်ထဲအထိ ပျံ့နှံ့ဝင်ရောက်နေတော့တယ်။ ရောမခေတ်က ရေမြောင်းတွေထဲမှာလည်း ဒီအနံ့တွေ သင်းနေမှာပဲလို့တောင် ကျွန်တော်တွေးမိလိုက်သေးတယ်။

ဒါကတော့ စပါဂက်တီလုပ်တဲ့နှစ်၊ အေဒီ၁၉၇၁မှာ ဖြစ်ခဲ့တဲ့ ဇာတ်လမ်းတစ်ပုဒ်ပါပဲ။

ပုံမှန်အားဖြင့်တော့ ကျွန်တော် စပါဂက်တီလုပ်တယ်။ ပြီးရင် စားမယ်။ ဒါပဲပေ့ါ။ တစ်ယောက်ထည်းသာ စားရမယ်ဆိုရင်တော့ စပါဂက်တီဟာ အကောင်းဆုံးပဲလို့တောင် ကိုယ့်ဖာသာ ထင်နေခဲ့မိတာကလား။ ဒီလိုဘာဖြစ်လို့ ခံစားမိသလဲဆိုတာတော့ မရှင်းပြတတ်ပေမယ့် အဲသလိုဖြစ်ခဲ့တောတော့ တကယ်ပဲ။

စပါဂက်တီစားရင်းနဲ့ ကျွန်တော်လက်ဘက်ရည်သောက်တယ်။ ပြီးတော့ ဆလတ်ရွက်နဲ့ သခွားသီးသုပ်ထားတာလဲ စားလေ့ရှိတယ်။ နှစ်မျိုးစလုံး ကိုယ့်မှာ အမြဲ ပိုပိုသာသာ ရှိနေအောင်တော့ လုပ်ထားရတာပေါ့ဗျာ။ စားစရာတွေကို စားပွဲပေါ်မှာ အသေအချာ အစီအရီချပြီးမှာ ဇိမ်ယူပြီးစားတာ။ စားနေရင်း သတင်းစာကလေးကလည်း ဖတ်သေးတယ်။ တနင်္ဂနွေက စလိုက်တာ၊ စနေပြန်ရောက်ထဲ့အထိ စပါဂက်တီဒေးကတော့ တစ်ရက်ပြီးတစ်ရက်ပဲ။ အဲနောက်တနင်္ဂနွေရောက်တော့ စပါဂက်တီ ရက်သတ္တပတ် နောက်တစ်ခု စရပြန်တာပေါ့ဗျာ။ စပါဂက်တီ တစ်ပန်းကန်စားတော့မယ်လို့လုပ်တိုင်း၊ အထူးသဖြင့် မိုးရွာတတ်တဲ့ နေ့လယ်ပိုင်းဆိုရင်ပေါ့၊ တစ်ယောက်ယောက်တော့ ကျွန်တော့်တံခါးကို လာခေါက်တော့မယ်ဆိုတဲ့ ခံစားမှုမျိုး ကျွန်တော့်မှာ သိသိသာသာ ပေါ်လာတတ်တယ်။ ကျွန်တော့်ဆီ အလည်ရောက်လာမယ့်လူဟာ ဘယ်လိုလူမျိုးလဲဆိုတာတော့ တစ်ချိန်နဲ့တစ်ချိန် မတူဘူးဗျ။ တစိမ်းတရံဆံတစ်ယောက် ဖြစ်ရင်ဖြစ်မယ်။ ကျွန်တော်နဲ့ သိတဲ့လူလဲ ဖြစ်ချင်ဖြစ်မယ်။ အထက်တန်းကျောင်းတုန်းက ကျွန်တော် ဒိတ်လုပ်ဖူးတဲ့ ခြေသလုံးသွယ်သွယ်နဲ့ ကောင်မလေးလည်း ဖြစ်နိုင်တယ်။ အဲ ကျွန်တော် ကိုယ်တိုင်လဲ ဖြစ်နိုင်တာပဲ။ နှစ်အတော်ကြာကြာက ကျွန်တော်ကိုယ်တိုင် အလည်ပြန်ရောက်လာတာမျိုးပေါ့။ တစ်ခါကတော့ ၀ီလီယံဟိုးဒင်းဖြစ်မယ်လို့တောင် ထင်လိုက်မိသေး။ ဂျင်နီဖာဂျုံးကိုလက်တစ်ဖက်က ဆွဲလို့ပေါ့။

ဝီလီယံဟိုးဒင်းများလား။

ဒါပေမယ့် အဲဒီထဲက တစ်ယောက်မှ ကျွန်တော့်အခန်းကို ရောက်မလာပါဘူး။ သူတို့ဟာ တံခါးအပြင်မှာပဲ ၀ဲလှည့်နေကြတယ်။ တံခါးမခေါက်ပဲနဲ့ပေါ့။ ပြီးတော့ မှတ်ညဏ်ထဲက အစအနေတွေလိုပဲ ပျောက်ကွယ်သွားကြလေရဲ့။


နွေဦး၊ နွေ၊ ပြီးတော့ ဆောင်းဦး။ ကျွန်တော် ချက်တယ်။ ပြုတ်တယ်။ စပါဂက်တီ လုပ်တာဟာ ကလဲ့စားချေမှုတစ်ခုလိုပဲ။ အထီးကျန်ဖြစ်နေတဲ့၊ အစွန့်ပယ်ခံရတဲ့ ကောင်မလေးတစ်ယောက်က ရည်းစားစာဟောင်းတွေ မီးဖိုထဲပစ်ထည့်သလိုမျိုး စပါဂက်တီတစ်ဆုပ်ပြီးတစ်ဆုပ် ရေနွေးအိုးထဲ ကျွန်တော်ပစ်ထည့်နေခဲ့တယ်။

စပါဂက်တီနဲ့ ဂျာမန်သိုးထိန်းခွေးပုံလုပ်တယ်။ ပြီးတော့ ရေနွေးဆူဆူထဲ ပစ်ထည့်လိုက်တယ်။ ဆားနည်းနည်းဖြူးလိုက်တယ်။ အဆမတန်ကြီးတဲ့ တူတစ်စုံနဲ့ နည်းနည်းမွှေလိုက်တယ်။ အချိန်မှတ်နာရီကနေ ခပ်တုံးတုံး အချက်ပေးသံ မထွက်လာမချင်းပေါ့။

စပါဂက်တီအမျှင်တွေဟာ လက်မှုလက်ရာတစ်ခုလိုပဲ။ ကျွန်တော့် မျက်စိအောက်က အပျောက်မခံနိုင်အောင် ဖြစ်ရတယ်။ ကျွန်တော်တစ်ဖက်ကို လှည့်လိုက်တယ်ဆိုရင်တောင် သူတို့ဟာ အိုးအစွန်းကို တွယ်တက်ပြီး ညအမှောင်ထဲကို ပျောက်ကွယ်သွားလိမ့်မယ်။ ညကလည်း ခြုံခိုပြီး စောင့်ဆိုင်းနေတယ်။ ပါရမီထူးတဲ့ စပါဂက်တီအမျှင်တွေကို ဖြတ်အုပ်ဖို့ပေါ့။

စပါဂက်တီ အယ်လာ ပါမီဂျီယန်နာ

စပါဂက်တီ အယ်လာ နာပိုလီတန်နာ

စပါဂက်တီ အယ် ကာတိုစီယို

စပါဂက်တီ အက်လီယို အီ အိုလီယို

စပါဂက်တီ အယ်လာ ကာဘိုနာရာ

စပါဂက်တီ ဒယ်လာပီညာ

ပြီးတော့ နာမည်မတပ်နိုင်တဲ့ သနားစရာ စပါဂက်တီ အမျိုးအစားတွေရှိသေးတယ်။ အဲဒါတွေကိုတော့ ရေခဲသေတ္တာထဲ ပစ်စလတ်ခတ်ပဲ ပစ်ထည့်ထားလိုက်တော့တယ်။

အပူထဲမှာ မွေးဖွားလာတဲ့ စပါဂက်တီအမျှင်တွေဟာ ၁၉၇၁ဆိုတဲ့ မြစ်ထဲစီးပြီး ပျောက်ကွယ်သွားတော့တယ်။

ကျွန်တော်သူတို့အားလုံးကို ၀မ်းပန်းတနည်းသတိရနေမိတယ်။ ၁၉၇၁ရဲ့ စပါဂက်တီတွေအားလုံးပေါ့။


နေ့လည်ခင်း သုံးနာရီ နှစ်ဆယ်မှာ ဖုန်းမြည်လာတော့ ကျွန်တော် တာတာမီဖျာပေါ် ပက်လက်လှန်ပြီး မျက်နှာကြက်ကို ငေးနေတုံးပေါ့။ ကျွန်တော်လှဲနေတဲ့နေရာမှာ ဆောင်းတွင်းနေရောင် ရဲ့အကွက်တစ်ကွက်တောင် ထိုးကျနေသေးတယ်။ ယင်ကောင်အသေ တစ်ကောင်လို ကျွန်တော်အဲ့ဒီမှာ ဟာလာဟင်းလင်း လှဲနေခဲ့တယ်။ ဒီဇင်ဘာ နေရောင်အောက်မှာပေါ့။

ဖုန်းစမြည်မြည်ချင်း ကျွန်တော်ဖြင့် သတိတောင် မထားမိဘူး။ လေထုအလွှာတွေထဲ ကျွန်တော်အသာညှပ်လွှတ်လိုက်တဲ့ မှတ်ဥာဏ်ရဲ့ ထင်ဟပ်မှု တစ်ခုလို့တောင် ထင်လိုက်မိသေးတယ်။ နောက်ဆုံးတော့ အဲဒါဟာ အကောင်အထည် ပေါ်လာတယ်။ ဖုန်းတစ်လုံး တကယ်မြည်နေတာပဲဆိုတာ မလွဲနိုင်တော့ဘူး။ ဒါဟာ ရာနှုန်းပြည့် လေထုထဲက ရာနှုန်းပြည့် တယ်လီဖုန်းမြည်သံပဲ။ လှဲနေရင်းကပဲ ဖုန်းခွက်ကို ကျွန်တော် ကောက်ကိုင်လိုက်တယ်။

တစ်ဖက်မှာ ကောင်မလေးတစ်ယောက်။ သူမဟာ ဝေေ၀၀ါးဝါးနိုင်လွန်းလို့ ညနေလေးနာရီခွဲလောက်ရောက်ရင် ပျောက်တောင်သွားတော့မလားပဲ။ ကောင်မလေးက ကျွန်တော့်သူငယ်ချင်းတစ်ယောက်ရဲ့ အရင်ကရည်းစားပါ။ တစ်စုံတစ်ခုကြောင့် သူတို့နှစ်ယောက်တွေ့ခဲ့ကြတယ်။ ပြီးတော့ တစ်ခုခုကြောင့် သူတို့နှစ်ယောက် ကွဲသွားတယ်။ ၀န်ခံရရင်တော့ သူတို့နှစ်ယောက် ဇာတ်လမ်းစခဲ့တဲ့အထဲမှာ ကျွန်တော်လည်း အတိုင်းအတာတစ်ခုထိတော့ ပတ်သက်ခဲ့တယ်။

“ငါနင့်ကို နှောင့်ယှက်သလိုဖြစ်ရင် ဆောရီးပဲဟာ၊ သူအခုဘယ်ရောက်နေလဲ နင်သိလား”လို့ ကောင်မလေးက ပြောတယ်။

ကျွန်တော် တယ်လီဖုန်းကို စိုက်ကြည့်နေမိတယ်။ ပြီးတော့ ဖုန်းကြိုးတလျှောက်လိုက်ကြည့်မိတယ်။ ဖုန်းကြိုးကတော့ ဖုန်းနဲ့အသေအချာကို ဆက်ထားတာပဲ။ ကျွန်တော် ခပ်ဝါးဝါးတစ်ခွန်းလောက် ပြန်ပြောမိတယ်။ ကောင်မလေးရဲ့အသံထဲမှာ အတိတ်နိမိတ် မကောင်းတာ တစ်ခုခုပါနေသလိုပဲ။ ဘာပြသနာပဲဖြစ်ဖြစ် ကျွန်တော် မပတ်သက်ချင်တာတော့ အမှန်ပဲ။

“သူဘယ်မှာလဲဆိုတာ ဘယ်သူမှ မပြောနိုင်ကြဘူး” ကောင်မလေးက အေးစက်စက်လေသံနဲ့ပြောတယ်။ “အားလုံးက မသိချင်ယောင်ဆောင်နေကြတယ်။ ဒါပေမယ့် ငါသူ့ကို အရေးတကြီးပြောစရာရှိတယ်။ ငါကို သူဘယ်မှာလဲဆိုတာ တချက်လောက်ပြောစမ်းပါဟာ။ ဒီကိစ္စထဲကို နင့်ကို ဆွဲမထည့်ပါဘူးလို့ ငါကတိပေးတယ်ဟာ။ ဘယ်မှာလဲ၊ သူ”

“ငါတကယ်မသိဘူးဟ” ကျွန်တော်က ပြန်ပြောတယ် “ ငါသူ့ကို မတွေ့တာတောင် တော်တော်ကြာပြီ” ကျွန်တော့်အသံဟာ ကျွန်တော့်အသံ မဟုတ်သလိုပဲ။ သူ့ကောင်လေးကို မတွေ့ဘူးဆိုတဲ့ အပိုင်းကတော့ တကယ်ပြောတာပါ။ သူနေတဲ့နေရာနဲ့ ဖုန်းနံပါတ်ကိုတော့ သိပါတယ်။ ကျွန်တော်တစ်ခုခု လိမ်ပြောတိုင်း ကျွန်တော့်အသံက အဲသလို ကို့ယို့ကားယားဖြစ်တော့တာပဲ။

ကောင်မလေးတိတ်နေတယ်။

ဖုန်းခွက်ကို ကိုင်ထားရတာ ရေခဲအချောင်းတစ်ချောင်းကို ကိုင်ထားရသလိုတောင်ဖြစ်လာတယ်။

ကျွန်တော့်ဘေးက တခြားဟာတွေပါ ရေခဲအချောင်းတွေလို ဖြစ်လာတယ်။ ဂျေဂျီဘဲလဒ်ရဲ့ သိပ္ပံဝတ္ထုတစ်ပုဒ်ထဲ ရောက်သွားသလိုပေါ့။

“ငါတကယ်ကို မသိတာပါဟာ” ကျွန်တော် ထပ်ပြောလိုက်တယ် “ သူထွက်သွားတာကြာပြီ။ ငါ့ကိုလည်းဘာမှာ ပြောမသွားဘူး”

ကောင်မလေးက ရယ်တယ်။ “နေပါဦး။ သူအဲလောက်မလည်ပါဘူး။ သူဘာလုပ်လုပ် လူတွေသိကြတာချည်းပဲဟာ”

ကောင်မလေးပြောတာမှန်ပါတယ်။ ဒီကောင်က ခပ်ထိုင်းထိုင်းကောင်မျိုး။

ဒါပေမယ့် သူဘယ်မှာလဲဆိုတာ ပြောလို့တော့ မဖြစ်ဘူး။ ပြောမိလို့ကတော့ ကျွန်တော့်ဆီဖုန်းဆက်ပြီး နားထဲ သံရည်ပူလောင်းမှာပဲ။ ကျွန်တော်လည်း သူများကိစ္စတွေထဲ ၀င်ပါရတာ စိတ်ကုန်နေပြီ။ နောက်ဖေးမှာတောင် တွင်းတစ်တွင်းတူးပြီး မြှုပ်စရာရှိတာ မြှုပ်ပစ်လိုက်ပြီ။ ဘယ်သူမှာ သွားပြီး တူးလားဆွလား လုပ်မှာလဲ မဟုတ်တော့ဘူး။
“ငါစိတ်မကောင်းပါဘူးဟာ”လို့ ကျွန်တော်ကပြောလိုက်တယ်။

“နင်ငါ့ကို သဘောမတွေ့ပါဘူး။ မဟုတ်ဘူးလား” ကောင်မလေးက ရုတ်တရက် ပြောပြန်တယ်။

ကျွန်တော်တော့ ဘာပြန်ပြောရမှန်းတောင် မသိဘူး။ ကျွန်တော့်အနေနဲ့ သူမကို တသီးတသန့်ကြီး မကြိုက်တာမျိုးတော့ မဟုတ်ဘူး။ တကယ်တော့ သူမနဲ့ပတ်သက်ပြီး ကျွန်တော့်မှာ ထင်ထားမြင်ထားတာကို မရှိတာ။ ခင်ဗျားဘာမှ ထင်မထားတဲ့ လူတစ်ယောက်ကို မကောင်းမြင်ဖို့ကတော့ မလွယ်ဘူး မဟုတ်လား။

“ဆောရီးပဲဟာ” ကျွန်တော်က ထပ်ပြောတယ် “ လောလောဆယ် ငါစပါဂက်တီလုပ်နေတယ်ဟ”

“ဘာ၊ ဘာ”

“ငါစပါဂက်တီလုပ်နေတယ်လို့ ပြောတာဟ” ကျွန်တော် လိမ်ပြောလိုက်တယ်။ ကျွန်တော်ဘာဖြစ်လို့ အဲလိုပြောမိမှန်း မသိဘူး။ လိမ်တာက ကျွန်တော့်ရဲ့ ၀သီဖြစ်နေပြီ။ ဒါပေမယ့် အဲဒီခဏမှာတော့ ကျွန်တော် လိမ်ချင်စိတ် သိပ်မရှိဘူး။

ကျွန်တော့်စိတ်ကူးထဲမှာ အိုးတစ်လုံးထဲကို ရေဖြည့်နေတယ်။ စိတ်ကူးထဲမှာပဲ မီးမွှေးနေမိတယ်။

“အဲဒီတော့” ကောင်မလေးက မေးခွန်းထုတ်တဲ့လေသံနဲ့ ပြောတယ်။

စိတ်ကူးနဲ့ ရေဆူဆူထဲကို ဆားနည်းနည်း ခတ်လိုက်တယ်။ အိုးထဲကို စပါဂက်တီ လက်တစ်ဆုပ်စာလောက် စိတ်ကူးနဲ့ ထည့်လိုက်တယ်။ အချိန်မှတ်နာရီကို ရှစ်မိနစ် ထားလိုက်တယ်။

“အဲဒီတော့ ငါစကားပြောနေလို့မရဘူး။ စပါဂက်တီတွေ ပျက်ကုန်လိမ့်မယ်”

ကောင်မလေးက ဘာမှ ပြန်မပြောဘူး။

“ စပါဂက်တီလုပ်ရတာ အရမ်းလက်ဝင်တယ်ဟ”

ကောင်မလေးတိတ်နေတယ်။ ကျွန်တော့်လက်ထဲက ဖုန်းခွက်လည်း အေးစက်လာတယ်။

“နင်င့ါကို နောက်မှ ပြန်ခေါ်ပါလား” ကျွန်တော် ခပ်သွက်သွက် ပြောလိုက်တယ်။

“နင် စပါဂက်တီနဲ့ အလုပ်ရှုပ်နေလို့လား” သူမက မေးလိုက်တယ်။

“အေး”

“နင် တစ်ယောက်ယောက်အတွက် လုပ်ပေးနေတာလား။ နင်တစ်ယောက်ထဲ စားဖို့လား”

“ငါ့ဖာသာ စားဖို့ပါ”

ကောင်မလေး ခဏကြာအောင် အသက်အောင့်ထားတယ်။ ပြီးတော့မှ ခပ်ဖြည်းဖြည်း သက်ပြင်းချတယ်။ “ နင်လည်းမသိဘူးဆိုရင် ငါတော့ ဒုက္မ္ခရောက်ပြီ။ ငါဘာလုပ်ရမလဲတောင် မသိတော့ဘူး”

“ငါနင့်ကို မကူညီနိုင်တာ စိတ်မကောင်းဘူးဟာ”

“ငွေရေးကြေးရေး ကိစ္စလဲ ပါနေတယ်””ကောင်မလေးကပြောပြန်တယ်။

“ငါသိတယ်”

“သူငါ့ကို ပိုက်ဆံပေးစရာ ရှိနေတယ်။ ငါသူ့ကို ပိုက်ဆံချေးထားတယ်။ ငါအဲ့လို မချေးပေးခဲ့ဖို့ ကောင်းတယ်။ ဒါပေမယ့် ချေးပေးရမှာပဲလေ””

ကျွန်တော် တစ်မိနစ်လောက် တိတ်ဆိတ်နေမိတယ်။ ကျွန်တော့်အတွေးက စပါဂက်တီဆီ ပြန်ရောက်သွားတယ်။ “ငါစပါဂက်တီ သွားကြည့်ရတော့မယ် …”

ကောင်မလေးက ခပ်လျော့လျော့ရယ်လိုက်တယ်။ “ဂွတ်ဘိုင်၊ နင်ရဲ့စပါဂတီကိုလဲ ငါနှုတ်ဆက်လိုက်ပါတယ်။ အိုကေမယ်လို့တော့ ငါထင်ပါတယ်”

“ဘိုင်”

ကျွန်တော်ဖုန်းခွက်ကို ချလိုက်တော့ နေရောင်အကွက်ဟာ တစ်လက်မ၊ နှစ်လက်မလောက် နေရာရွေ့သွားပြီ။ ကျွန်တော် အဲဒီအကွက်မှာ လှဲချလိုက်ပြီး မျက်နှာကြက်ကို ဆက်ကြည့်နေမိတယ်။


အဆက်မပြတ်ဆူနေပြီး ဘယ်တော့မှမကျက်မယ့် စပါဂက်တီတစ်အိုးအကြောင်း တွေးကြည့်မယ်ဆိုရင် ကြေကွဲစရာပဲ။

ကောင်မလေးကို ဘာမှ မပြောပြလိုက်တာ နောင်တနည်းနည်းရချင်သလို ဖြစ်လာတယ်။ ပြောလိုက်မယ်ဆိုလဲ ရတာပဲ။ ဒီကောင်ကတော့ အစကတည်းကကို သွားမပတ်သက်သင့်တဲ့ ကောင်မျိုးပါ။ အနုပညာသမားယောင်ယောင်လုပ်နေတာ။ လေကလည်းများတော့ ဘယ်သူမှ သူ့ကိုသိပ်ယုံတာ မဟုတ်ဘူး။ ကောင်မလေးအသံကတော့ တကယ့်ကို ငွေလိုနေတဲ့ပုံပဲ။ ဘာပဲဖြစ်နေနေလေ၊ ချေးထားတဲ့ပိုက်ဆံကတော့ ပြန်ပေးသင့်တာပဲ။

တခါတလေတော့လဲ ကောင်မလေးဘာဖြစ်သွားလဲလို့ တွေးမိတယ်။ အငွေ့တထောင်းထောင်းထနေတဲ့ စပါဂက်တီပန်းကန်ရှေ့ ထိုင်မိတိုင်း အဲဒီအတွေး ၀င်ဝင်လာတယ်။ အဲဒီနေ့က ဖုန်းပြောပြီးတော့ သူလုံးဝပဲ ပျောက်ကွယ်သွားသလား။ ညနေလေးနာရီခွဲရဲ့ အရိပ်တွေထဲ မြုပ်ဝင်သွားသလား။ ကျွန်တော့်ကိုယ် ကျွန်တော်ရော အပြစ်တင်သင့်သလား။

ကျွန်တော့်အခြေအနေကိုလဲ နားလည်ပေးစေချင်တယ်။ အဲဒီအချိန်မှာ ကျွန်တော် ဘယ်သူနဲ့မှ မပတ်သက်ချင်ဘူး။ ဒါကြောင့်လည်း ကိုယ့်ဖာသာ စပါဂက်တီပဲ လုပ်နေခဲ့တာ။ အဲဒီ ဂျာမန်သိုးထိန်းခွေးတစ်ကောင် ကောင်းကောင်းထည့်ပြုတ်လို့ရတဲ့ အိုးကြီးနဲ့လေ။

တကယ်တော့ ၁၉၇၁ခုနှစ်မှာ သူတို့ အိတ်စ်ပို့လုပ်နေခဲ့တာ အထီးကျန်ဆန်မှုပဲဆိုတာ သိသွားခဲ့ရင် အီတလီတွေ ဘယ်လောက်အံသြသွားကြမလဲဆိုတာ ခင်ဗျားစိတ်ကူးကြည့်စမ်းပါ။


ဒူရမ်ဆီမိုလီနာ = အီတလီလယ်ကွင်းများမှ ရိတ်သိမ်းထားသော ရွှေဝါရောင်ဂျုံ။

(The Year of Spaghetti – Haruki Murakami. ဘာသာပြန် – စင်ကြယ်ငြိမ်း။)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s