ည
နောက်ဘ၀များစွာမှာ
ညမဖြစ်တော့တာ သေချာကြောင်း
သက်သေပြလိုက်တဲ့ည
‘ဒန်တီ’ရဲ့ မျက်ရည်တွေ
စင်းစင်းသေပေးလိုက်ရတဲ့ည
ဦးနှောက်တခြမ်းက
တံခါးဆီ ပေးလိုက်ရတဲ့ည
မျက်လုံးတဘက်က
အာရုံစိုက်မှုကို ရောင်းစားရပြီး
မျက်လုံးတလုံးက
အရှုံးအတွက် ပုံပေးလိုက်ရတဲ့ ညလည်းဖြစ်ရဲ့။
ခန္ဓာကိုယ်တ၀က်က
မြို့ကြီးထဲ ခုန်ပေါက်နေပြီး
တခြားခန္ဓာကိုယ်တခုက
သူ့မိန်းမဆီ သွားအိပ်တဲ့ညပေါ့။
လူတွေ
ဒီလိုပဲ ဖြစ်ပျက်ကြမြဲပါ
တစက္ကန့်
တစက္ကန့်အတွင်းထဲမှာ ရောက်ရှိနေချိန်
ဒီတစက္ကန့်ကလွဲရင်ပေါ့
ကိုယ်လိုရာရောက်နေတဲ့ စက္ကန့်တွေ များလှပေါ့။
စီးကရက်လေးတလိပ်လောက်ကို
တညလုံး စောင့်စားခဲ့ရပါတယ်
သံပြိုင်တေးတွေ
ရေစီးအားကောင်းတဲ့ညပေါ့
ဒီညကို ဖြတ်ရတော့
ဘ၀ဆိုတာ လွမ်းဖို့အားကောင်းခဲ့တာပေါ့။
ကျနော် ယောက်ယက်ခတ်ရ
ကိုယ့်နှလုံးသားကိုယ် မီးမြှိုက်ခဲ့ပါတယ် အမေ
ဘယ်သူဟာ
ကိုယ့်နှလုံးသားကိုယ် မီးမြှိုက်ခဲ့ပြီး
ဒီမီးကို လှုံရဲခဲ့ပါသလဲ
ကျနော်ကတော့
ရဲရင့်ပေါ့ပါးစွာပေါ့ အမေ
ဒီညမှာမှ
ကျနော်က ရေဒီယိုသတ္တိတွေကြွတဲ့ည ဖြစ်လို့ပေါ့။
လည်လှီးခံရ မြွေတကောင်လို
နာရီသံချောင်းခေါက်သံတွေ
အစွမ်းကုန် တွန့်လိမ်လို့
မြင်ခဲ့ရဖူးပြီ
သေကောင်ပေါင်းလဲဘ၀ပါ အမေရယ်
တစက်မှ
အရသာခံရက်စရာ မကောင်းပါဘူး
မစာနာတတ်ရင်လည်း သိကြပါစေ
သိရင်ပဲ
အမေ့သားက ပြီးပါပြီတဲ့။
မိမိကိုယ်မှ နံရိုးများ
တံတားအဖြစ်ခင်းကျင်း
လမ်းဖွဲ့စည်းခဲ့ပါတယ်
ဒီခရီးသာ နှစ်လိုခဲ့
ရလိုသောဘ၀များ လမ်းဖယ်ပေးကြပါ။ ။
(၁၉၈၆)
(မောင်ချောနွယ်အတု – မောင်ချောနွယ်။ မုံရွေး – ဒီဇင်ဘာ၊ ၂၀၀၂။)
လမ်းအိုလေး 
April 4, 2012 at 3:04 pm
မိမိကိုယ်မှ နံရိုးများ
တံတားအဖြစ်ခင်းကျင်း
လမ်းဖွဲ့စည်းခဲ့ပါတယ်
ဒီခရီးသာ နှစ်လိုခဲ့
ရလိုသောဘ၀များ လမ်းဖယ်ပေးကြပါ။ ။