လမ်းအိုလေး

beyond chaOs

ရေစိုနေတဲ့ စက္ကူ (နေမျိုး)

Leave a comment

ကျွန်တော်ဟာ  မအောင်မြင်သေးတဲ့ စာရေးဆရာ တစ်ယောက်ပါ။  ကျွန်တော့်ဇာတ်ကောင်တွေဟာ အမြဲဆာလောင်ငတ်မွတ်နေသူတွေဖြစ်တယ်။  ငတ်မွတ်ဆာလောင်နေသူတွေကို ဇာတ်ကောင်အဖြစ်ရေးရတာ ကျွန်တော် ပိုပြီးနှစ်သက်အားရတယ်။  ဒါဟာ ကျွန်တော် ကျွမ်းကျင်တဲ့ ဘာသာရပ်ဖြစ်နေလို့ပါပဲ။  အဲဒီဘာသာရပ်ကို နှစ်ရှည်လများ ကျွန်တော် လိုက်စားခဲ့တယ်။

စားပွဲမှာ သူထိုင်နေတယ်။  သူ့ရှေ့မှာ ညကမိုးကြောင့် ရေစိုပြီးနူးပွနေတဲ့ စက္ကူတွေရှိတယ်။  ပြီးတော့ ဗာဒံသီးအခွံတွေ စားပွဲအောက်မှာ ပြန့်ကျဲနေတယ်။  စားပွဲမှာ သူထိုင်နေတယ်။  မနေ့ညကတည်းက သူဆာလောင်နေခဲ့တယ်။  ခဲတံအတိုကလေးတစ်ချောင်းကို  သူကောက်ကိုင်လိုက်တယ်။

ဟော…အဲဒီအချိန်မှာပဲ အခန်းရှေ့မှာ စက်ဘီးဘဲလ်သံကို ကျွန်တော်ကြားလိုက်ရတယ်။  ရေးလက်စစာရွက်ကို ခဏချထားလိုက်ပြီး အခန်းရှေ့ကို ထွက်သွားလိုက်တော့ စာပို့သမားကို တွေ့ရတယ်။  သူက ကျွန်တော့်ကို ကြင်နာစွာ ကြည့်နေပုံပါပဲ။  ကျွန်တော့်အတွက်မန်းနီအော်ဒါစာရွက်ပေါ်မှာ လက်မှတ်ထိုးခိုင်းပြီး ငွေစနည်းနည်းကို ထုတ်ပေးလိုက်ပါတယ်။  ချမ်းမြေ့ပါစေဗျာဆိုလား ကျွန်တော်သူ့ကို ပြောလိုက်မိသေးတယ် ထင်တယ်။  မောင်မင်းကြီးသားက ကျွန်တော့်စကားကို အလေးမထားပဲ စက်ဘီးပေါ်တက်ပြီး ဆက်လက် နင်းထွက်ခွာသွားပါတယ်။

“ ဆရာ… ညကတည်းက ကျွန်တော် ဘာမှ မစားရသေးဘူး။ ”

စာရေးစားပွဲမှာ ထိုင်လိုက်တော့ ကျွန်တော့်ဇာတ်ကောင်က ပြောတယ်။  ကျွန်တော့်အိပ်ထဲမှာ ပူပူနွေးနွေး ငွေစက္ကူတစ်ချို့ ရှိနေပြီ။  ဒါပေမယ့် ဒီငွေစက္ကူတွေကို ဘာဆက်လုပ်ရမယ်ဆိုတာ ကျွန်တော်ပဲသိတယ်ဗျာ။  စာတိုက်ကိုသွားပြီး ကျွန်တော့်ဇနီးဆီကို လှမ်းပို့ရမှာပါကလား။  ဝေးဝေးမြို့ကလေးမှာ ကျွန်တော့်ဇနီးဟာ ကျွန်တော်ပေးပို့လိုက်မယ့်ငွေကို စိတ်ရှည်ရှည်နဲ့ စောင့်မျှော်နေရှာလိမ့်မယ်။

ဗာဒံပင်က အသီးတွေ တုံးသွားပြီ။  သီးခဲ့သမျှက  အကုန်ကြွေသွားခဲ့ပြီ။  ကြွေခဲ့သမျှက  အခွံတွေ ဖြစ်သွားခဲ့ပြီလေ။  သူစားပွဲမှာ ထိုင်နေတယ်။  သူ့ရှေ့မှာ ညကမိုးကြောင့် စိုပြီးနူးပွနေတဲ့ စက္ကူတွေရှိတယ်။

ကျွန်တော် ဝါကျနည်းနည်း ထပ်ရေးပြီး  စားပွဲက ထလိုက်တယ်။  ဗာဒံသီးခွံလေးတစ်ခုကို ကောက်ကိုင်လိုက်တယ်။  ညကမိုးကြောင့် စိုပြီးနူးပွနေတဲ့ စက္ကူတွေကို  ဒီအတိုင်း ပစ်ထားလိုက်တယ်။  စာတိုက်ကို သွားရဦးမယ်ဗျာ။

“  ဆရာ… စားပွဲပေါ်က ရေစိုနေတဲ့စက္ကူတွေမှာ  အရသာတစ်ခုခုရှိမလား။ ”

အခန်းထဲက ထွက်မယ်အလုပ်မှာ ကျွန်တော့်ဇာတ်ကောင်က မေးတယ်။  တကယ်တော့ သူဆိုလိုချင်တာက ဒီစက္ကူတွေကို ဝါးစားလိုက်ရမလားလို့ပါ။  ကျွန်တော်စာတိုက်ဆီ ထွက်ခဲ့တယ်။  ရေစိုနေတဲ့ စက္ကူတွေဝါးမစားမိခင်ပေါ့။

(အအေးလွန်ရာစုနှစ် နှင့် အခြားဝတ္ထုတိုများ – ၂ဝဝ၇ ဧပြီ)

Mirrored: T H 0 3 H T 4 N 3 [ a N T I M a ]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s